Corona: देश म पिछिले 24 घंटा म कोरोना के 16505 नवा मरीज के पहचान, पढो पूरा खबर

नईदिल्ली…. देश म पिछिले 24 घंटा म कोरोना (corona) के 16 हजार ले जादा नवा मरीज मिले हे। उहचे 19557 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 146 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) 16505 नवा मरीज के पहचान होय हे। एला मिला के कोरोना संक्रमित मरीज मन के संख्या ह 1 करोड़ 3 लाख 40 हजार ले जादा हो गे हे।

(corona) जेमा ले 2 लाख 43 हजार 953 एक्टिव मामला हे। उहचे 99 लाख 46 हजार 867 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले देश म अब तक 1 लाख 49 हजार 617 लोगन मन के मौत हो गे हे।