corona: प्रदेश में बीते 24 घंटा म सामने आय हे कोरोना के 825 नवा मामला, 13 संक्रमित के हो गे मौत

संझा बिहनिया रायपुर….  (corona) प्रदेश म बीते 24 घंटा म कोरोना के 825 नवा मरीज के पहचान होय हे। उहचे 1100 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 13 संक्रमित के मौत हो गे हे।

पिछिले 24 घंटा म कोरोना के जेन (corona) नवा मरीज के पहचान होय हे, ओमा राजधानी रायपुर ले 134, दुर्ग ले 124, राजनांदगांव ले 73, बिलासपुर ले 71, रायगढ़ ले 49, महासमुंद अऊ धमतरी ले 46-46, कोरबा ले 45, जांजगीर-चांपा ले 37, सूरजपुर अऊ सरगुजा ले 34-34, बालोद ले 28, बलौदाबाजार ले 17, कांकेर ले 14 मरीज शामिल हे।

बता देन कि प्रदेश म कोरोना (corona) संक्रमण के मामला ह बाढ़ के 2 लाख 75 हजार 149 हो गे हे, जेमा ले 13 हजार 701 एक्टिव मामला हे। उहचे 2 लाख 58 हजार 155 लोगन मन ल बने होय के बाद अस्पताल ले छुटटी दे दे गे हे। ए वायरस ले प्रदेश म अब तक 3293 लोगन मन के मौत हो गे हे।