Chhattisgarh: खूब वायरल होवत हे छत्तीसगढ़ी गीत “बेल पान मेला, ये गीत म हेमा शुक्ला अऊ गौरव सिन्हा के अभिनय के होवत हे तारीफ

संझा बिहनिया रायपुर… (Chhattisgarh) “बेल पान मेला” ये नाम हे वो गीत के जेला मात्र दू दिन म हजारों दर्शक मन के प्यार मिलत हे , हजारों विउ अऊ कमेन्ट ले कलाकार ,निर्देशक अऊ निर्माता मन के हौसला आफजाई होवत हे,

बता दन कि (Chhattisgarh) नवा म्यूजिक कम्पनी जोया सीरीज के पहिली गीत बेल पान मेला म कलाकार गौरव सिन्हा अऊ हेमा शुक्ला के अभिनय के जमके तारीफ होवत हे, नृत्य निर्देशक चंदन दीप ह किहीस कि कम्पनी के पहला प्रोजेक्ट होय के कारण काफी चुनौती रिहिस लेकिन कलाकार, टेक्नीशियन अऊ निर्माता मन के साथ बने तालमेल के कारण ये गीत जबर्दस्त बन गे,

(Chhattisgarh) गीत बेल पान मेला म स्वर दे हे विश्वहर ओमेश अऊ कंचन जोशी ह, एमा अभिनेत्री हेमा शुक्ला के अभिनय अऊ लुकिंग के खास तारीफ होवत हे , निर्देशक चंदन दीप ह दुनो कलाकार मन के बारे म किहीस कि दुनो ह केप्चर माइंडेड हे, ये गीत म कैमेरा ऑपरेट करे हे राजू देवदास ह, गीत के सफलता के बाद जोया सीरीज ह बयान जारी करे हे कि अब लगातार छत्तीसगढ़ी गीत बनाए जाही।