Corona: देश म बीते 24 घंटा म मिले हे 11039 नवा मामला

संझा बिहनिया नईदिल्ली…. देश म पिछिले 24 घंटा म कोरोना (Corona) के 11 हजार ले जादा नवा मरीज के पहचान होय हे। उहचे इलाज के दौरान 110 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 11039 नवा मरीज मिले हे। एला मिला के देश म कोरोना संक्रमण के मामला हे बाढ़ के 1 करोड़ 07 लाख 77 हजार 284 हो गे हे। जेमा ले 1 लाख 60 हजार 057 एक्टिव मामला हे।

उहचे 1 करोड़ 04 लाख 62 हजार 631 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 54 हजार 596 मरीज मन के मौत हो गे हे।