Corona: प्रदेश म बीते 24 घंटा म होय हे 265 नवा मरीज के पहचान, राजधानी म घलो 69 पाजिटिव
संझा बिहनिया रायपुर…. (Corona) प्रदेश म बीते 24 घंटा म कोरोना के 265 नवा मरीज के पुष्टि होय हे। उहचे 195 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 3 मरीज के जान चले गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 69, दुर्ग ले 56, बिलासपुर ले 31, महासमुंद ले 16, रायगढ़ ले 15, सरगुजा ले 9, कबीरधाम ले 8, धमतरी अऊ बलौदाबाजार ले 7-7, राजनांदगांव ले 6, जशपुर अऊ सूरजपुर ले 5-5 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 05 हजार 367 हो गे हे। जेमा ले 4327 एक्टिव मामला हे। उहचे 2 लाख 97 हजार 339 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3701 लोगन मन के मौत हो गे हे।
