Corona: देश म बीते 24 घंटा म बाढ़ गे 13 हजार ले जादा नवा मामला
संझा बिहनिया नईदिल्ली…. देश म पिछले 24 घंटा म कोरोना (corona) के 13 हजार ले जादा नवा मरीज दर्ज करे गे हे। उहचे 13965 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 127 लोगन मन के जान चले गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश में पिछिले 24 घंटा म (corona) 13052 नवा मरीज मिले हे। एला मिला के कोरोना संक्रमण के मामला ह 1 करोड़ 07 लाख 46 हजार 183 हो गे हे। जेमा ले 1 लाख 68 हजार 784 एक्टिव मामला हे।
उहचे 1 करोड़ 04 लाख 23 हजार 125 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 54 हजार 274 लोगन मन के मौत हो गे हे।
