Corona: देश म पिछिले 24 घंटा म होय हे 11 हजार ले जादा नवा मामला के पहचान, पढो पूरा खबर

संझा बिहनिया नईदिल्ली…. देश म बीते 24 घंटा म कोरोना (corona) के 11 हजार ले जादा नवा मरीज के पहचान होय हे। उहचे 14301 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 123 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 11666 नवा मरीज मिले हे। एला मिला के कोरोना संक्रमण के मामला ह बाढ़ के 1 करोड़ 07 लाख 01 हजार 193 हो गे हे। जेमा ले 1 लाख 73 हजार 740 एक्टिव मामला हे।

उहचे 1 करोड़ 03 लाख 73 हजार 606 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 53 हजार 847 लोगन मन के मौत हो गे हे।