corona : प्रदेश म पिछिले 24 घंटा म होय हे कोरोना के 323 नवा मरीज के पहचान
संझा बिहनिया रायपुर…. (corona) प्रदेश म बीते 24 घंटा म कोरोना के 323 नवा मामला सामने आय हे। उहचे 261 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 6 लोगन मन जान चले गे हे।
प्रदेश म पिछिले 24 घंटा म कोरोना (corona) के जेन नवा मरीज के पहचान होय हे, ओमा रायपुर ले 52, बलौदाबाजार ले 32, महासमुंद ले 27, दुर्ग ले 25, बिलासपुर ले 20, राजनांदगांव अऊ बालोद ले 18-18, रायगढ़ अऊ सरगुजा ले 17-17, कोरिया ले 11, बलरामपुर अऊ बेमेतरा ले 10-10, कोरबा अऊ धमतरी ले 8-8, जांजगीर-चांपा ले 7 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह 2 लाख 93 हजार 501 हो गे हे। जेमा ले 6832 एक्टिव मामला हे। उहचे 2 लाख 83 हजार 111 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 3558 लोगन मन के मौत हो गे हे।
