corona: देश म बीते 24 घंटा म सामने आय हे 22 हजार ले जादा नवा मामला, पढ़ो पूरा खबर

नईदिल्ली…. (corona) देश म बीते 24 घंटा म कोरोना के 22 हजार ले जादा नवा मामला मिले हे। उहचे इलाज के दौरान 354 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 22065 नवा मरीज मिले हे। एला मिला के कोरोना संक्रमण के मामला ह बाढ़ के 99 लाख 06 हजार 165 हो गे हे। जेमा ले 3 लाख 39 हजार 820 एक्टिव मामला हे।

उहचे 94 लाख 22 हजार 636 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 43 हजार 709 लोगन मन के मौत हो गे हे।