Chhollywood: फेर आवत हे “मिस्टर टेटकूराम”, दर्शक मन के मया के अगोरा हे

संझा बिहनिया रायपुर… (Chhollywood) अभिनेता अनुज शर्मा के छत्तीसगढ़ी फिलिम मिस्टर टेटकूराम फेर एक बार रिलीज होवत हे, श्याम सिनेमाघर म लॉक डाउन खुले के बाद लगातार छत्तीसगढ़ी फिलिम प्रदर्शित होवत हे अऊ ओमन ल सिनेप्रेमी मन के प्यार घलो मिलत हे

(Chhollywood) निर्देशक मनोज वर्मा के कृति आय टेटकू राम , जेमा अनुज शर्मा के संग संजय महानंद,स्व.आशीष शेंद्रे, हेमलाल कौशल,पुष्पेंद्र सिंह के संग बड़ अकन कलाकार मन अभिनय करे हे

बता दन कि एमा संजय महानंद ह एक सरदार के किरदार निभाय हे जेला बहुत पसंद करे गे रिहिस, ये फिलिम के एक गीत के शूटिंग छत्तीसगढ़ के बाहर करे गे हे, (Chhollywood) बहुत दिन के बाद सिनेमाघर खुले हे तेखर पाय के छत्तीसगढ़ के निर्माता निर्देशक मन अपन अपन फिलिम ल दुबारा रिलीज करत हे ताकि दर्शक मन के प्यार क्षेत्रीय फिलिम मन ल मिल सके।