धूम मचाही गीत “ओखर संग सेल्फी लेतेंव”, एवीएम के निर्देशक दीपक कुर्रे के आगामी आकर्षण

SANJHA-BIHANIYA RAIPUR….यु टयूब चेनल एवीएम गाना म कुछ दिन बाद एक गीत रिलीज होही, जेखर बोल हरे “ओखर संग सेल्फी लेतेंव”

अभिनेता राहुल अऊ गरिमा ह ये गीत ल ले के बहुत उत्साहित हे काबर कि कोरोयोग्राफर चंदन दीप ह ये गीत म नवा नवा स्टेप कराये हे जो शायद अल्बम के क्षेत्र म पहली बार होही,

ये गीत के शूटिंग कांदुल गांव म होय हे , निर्देशक दीपक कुर्रे ह किहिस कि आजकल गीत मन म नवा नवा प्रयोग ल दर्शक मन पसंद करत हे,

ये गीत के शूटिंग टीम म दीपक बावनकर,टामेश,राहुल साहू,रितेश चौहान अऊ अज्जु हे,रूप सज्जा के जिम्मेदारी निभाय हे अंजू ह।

बता दन कि जल्द ही ये गीत एवीएम गाना के यु टयूब चेनल म रिलीज होही।