सामाजिक बुराई दुष्कर्म ऊपर करारा तमाचा हे उर्वशी के “चीख” , 29 सितम्बर के बिहनिया सात बजे होही रिलीज

संझा – बिहनिया रायपुर… छत्तीसगढ़ी सिनेमा के जाने माने अभिनेत्री उर्वशी साहू ह अब निर्देशन के क्षेत्र म कमाल देखाय के तैयारी म हे, उर्वशी ह एक लघु फिलिम के निर्माण करे हे जेखर नाम हे “चीख”

चीख ह सामूहिक दुष्कर्म ले पीड़ित युवती के कहानी म आधारित हे जेन ह प्यार म धोखा खा के दुष्कर्म के शिकार हो जाथे, ये फिलिम म मुख्य रूप से प्रतिभा चौहान,यश ओझा,उर्वशी,विजय चंद्राकर,श्याम साहू,मुकेश,देवेंद्र साहू,पंकज, अमित,तेजराम,बाला गोस्वामी,ज्योति साहू अऊ ईश्वर साहू ह अभिनय कर हे,

बता दन कि ये फिलिम उर्वशी के ड्रीम प्रोजेक्ट हवे, जेन ह 29 सितम्बर के बिहनिया 7 बजे यु.एस.इंटरटेनमेंट चेनल म रिलीज होही,

चीख के निर्माता विजय चंद्राकर हे अऊ ऐला निर्देशित करे हे उर्वशी साहू ह, कैमरा अऊ एडिटिंग के पक्ष ल लक्ष्मण यादव ह बखूबी निभाए हे।