बस,ट्रक अऊ टैक्सी संचालक संघ के याचिका म 28 सितंबर के आही सुप्रीम कोर्ट के फैसला, ब्याज माफ करे के रिहिस याचिका

संझा-बिहनिया रायपुर… कोरोना काल के कारण बस अऊ ट्रक के पहिया सात महिना ले खड़े हे लेकिन बैंक के वसूली ले ट्रांसपोर्टर मन परेशान हे, पूरा सात महीना ले ओमन अपन गाड़ी के क़िस्त जमा करत हे संगे संग अपन वर्कर मन ल वेतन घलो देवत हे लेकिन बैंक के ब्याज माफी बर संघ ह उच्चतम न्यायालय म गुहार लगाय हे जेखर फैसला 28 सितम्बर के आने वाला हे,

संघ ह किहिस कि अगर ऊंखर हित मे निर्णय नई आही त ओमन के सामने आत्महत्या के अलावा कोनो विकल्प नई बाचही। एखर पहिली संघ ह राज्य सरकार ले गुहार लगा के अपन गाड़ी के टैक्स ल माफ करवाए हे जेखर बर संघ ह राज्य के परिवहन मंत्री अऊ मुख्यमंत्री ल धन्यवाद दिस।