Chhattisgarh: राम यादव, रश्मि अऊ संजू टांडी के बेजोड़ अभिनय, सुनील सोनी के स्वर म देखव गीत “भुला देहे हे मोला”
संझा बिहनिया रायपुर…(Chhattisgarh) के के कैसेट म रिलीज होय गीत भुला देहे मोला म पहली बार अलग ट्रीटमेंट के उपयोग करे गे हे, बेवफाई म आधारित ये गीत ल निर्देशित करे हे दीपक कुर्रे ह, ये गीत म राम यादव अऊ संजू टांडी ह अभिनेता बने हे संगे संग अभिनेत्री आय रश्मि देवांगन ह।
प्रसिद्ध गायक सुनील सोनी के स्वर ले सजे ये गीत भुला देहे मोला म दु प्रेमी अऊ एक प्रेमिका के कहानी ल बहुत ही कम समय म बने ढंग ले प्रस्तुत करे गे हे। (Chhattisgarh) अभिनेता संजू अऊ राम यादव मन ह किहींन कि ये गीत ल शूट करे म तीन ले चार दिन के समय लगिस, ओमन ह किहींन कि ऊंखर संगे संग अभिनेत्री रश्मि अउ निर्देशक दीपक कुर्रे समेत जम्मो तकनीकी टीम ह खूब मेहनत करिन हे।
(Chhattisgarh) ये गीत के शूटिंग नवा रायपुर अऊ डब्ल्यू आर एस कालोनी म करे गीस हे, ये गीत म कैमरा चलाए हे दीपक बावनकर अऊ तामेश ह संगे संग रितेश चौहान, सरोज कुर्रे के विशेष सहयोग रिहिस, एमा कलाकार मन के रूप सज्जा अऊ कॉस्ट्यूम ऊपर वर्क करे हे अंजु उरांव ह।
बता दन कि ये पूरा गीत मुख्य निर्देशक संतोष कुर्रे के मार्गदर्शन म बनाए गे हे जेमा पूरा एवीएम टीम ह मेहनत करे हे, सब्बो ल उम्मीद हे कि लोगन मन ल ये गीत जरूर पसन्द आही,ये गीत के के कैसेट के यू टयूब चेनल म रिलीज होय हे।
