Corona: देश म बीते 24 घंटा म बाढ़ गे कोरोना के 15388 नवा मरीज, अब तक 77 संक्रमित के हो गे मौत

संझा बिहनिया नईदिल्ली…. देश म बीते 24 घंटा म कोरोना (Corona) के 15388 नवा मामला मिले हे। उहचे 16596 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 77 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (Corona) संक्रमित मन के संख्या 1 करोड़ 12 लाख 44 हजार 786 हो गे हे। जेमा ले 1 लाख 87 हजार 462 एक्टिव मामला हे।

उहचे 1 करोड़ 08 लाख 99 हजार 394 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 57 हजार 930 संक्रमित मन के जान चले गे हे।