chhattisgarh ह साल 2020 म 1621.67 करोड़ रुपया के रिकार्ड पंजीयन राजस्व करे हे अर्जित

संझा बिहनिया रायपुर…. छत्तीसगढ़ (chhattisgarh) ह कोरोना संकट के बावजूद घलो साल 2020 म 1621.67 करोड़ रुपया के रिकार्ड पंजीयन राजस्व अर्जित करिन। साल 2019 म अर्जित 1315.36 करोड़ रुपया के राजस्व ले ये 23.28 फीसद अधिक हे।

(chhattisgarh) चालू वित्तीय साल म 31 जनवरी तक प्रदेश म 1 लाख 82 हजार दस्तावेज के पंजीयन हो गे हे। जेखर सती स्टाम्प अऊ पंजीयन शुल्क के रूप म 1087.19 करोड़ रुपया के राजस्व प्राप्त होइस। प्रदेश म शासन के तरफ ले 75 लाख रुपया तक के मकान अऊ भन के विक्रय संबंधी विलेख के पंजीयन शुल्क म दू फीसद के रियायत अगस्त 2019 ले प्रदान करे जात हे।

जेला वित्तीय साल 2020-21 बर घलो यथावत रखे गे हे। (chhattisgarh) एखर लाभ आम लोगन मन ल मकान के खरीदी अऊ बेचे म मिलत हे। प्रदेश म सम्पत्ति के खरीदी-बिक्री बर ई रजिस्ट्री प्रक्रिया ल सरल करे गे हे अऊ नेटवर्क के समस्या के निराकरण बर एकठन अतिरिक्त नेटवर्क सुविधा उपलब्ध कराय गे हे।