Chhattisgarh म 20 वर्ष म ए साल सबले जादा धान खरीदी के बनिस रिकॉर्ड

संझा बिहनिया रायपुर…. (chhattisgarh) राज्य म समर्थन मूल्य म अब तक सबले जादा धान खरीदी हो चुके हे। राज्य बने के 20 साल म ए साल सबले जादा धान खरीदी के रिकार्ड बन गे हे। ए साल चालू धान खरीदी सीजन म 21 जनवरी तक 84 लाख 44 हजार मीट्रिक टन धान के खरीदी हो चुके हे, जेन बीते साल राज्य म खरीदी करे गे धान 83.94 लाख मीट्रिक टन ले 50 हजार मीट्रिक टन जादा हे। जबकि अभी धान खरीदी बर 10 दिन बचे हे।

बता देन कि (chhattisgarh) प्रदेश म कांग्रेस सरकार के राजीव गांधी किसान न्याय योजना के तहत राज्य म फसल उत्पादकता ल बढ़ावा मिले हे। चालू वित्तीय साल म राज्य सरकार ह ए योजना के तहत प्रदेश के 19 लाख किसान मन ल 5750 करोड़ रुपया के प्रोत्साहन राशि प्रदान करत हे।

अब तक (chhattisgarh) राज्य के 19 लाख 54 हजार 332 किसान मन ह समर्थन मूल्य म अपन धान ल बेच चुके हे। उहचे कस्टम मिलिंग बर मिलर्स ल 27 लाख 70 हजार 693 मीट्रिक टन धान के डीओ जारी करे जा चुके हे। जेखर विरुद्ध अब तक 25 लाख 45 हजार 512 मीट्रिक टन धान के उठाव कर ले गे हे।