Chhattisgarh: सीएम अऊ विधानसभा उपाध्यक्ष ह करे हे नवा साल के कैलेण्डर के विमोचन
संझा बिहनिया रायपुर…. (chhattisgarh)सीएम भूपेश बघेल अऊ विधानसभा उपाध्यक्ष मनोज सिंह मण्डावी ह आज विधानसभा परिसर के समिति सभाकक्ष म नवा साल 2021 के शासकीय कैलेण्डर के विमोचन करे हे।
ये कैलेण्डर छत्तीसगढ़ (chhattisgarh) म नवा सरकार के तरफ ले पिछिले दू साल म करे गे विकास कार्य म केन्द्रित हे। कैलेण्डर के कव्हर पेज म सीएम भूपेश बगेल के कुम्हार के चाक म दीया बनात हुये चित्र ल प्रकाशित करे गे हे अऊ चित्र के नीचे लिखे हे गढबो नवा छत्तीसगढ़।
कैलेण्डर के शीर्षक न्याय के बयार, सब्बो बर-सब्बो डहर दे गे हे। (chhattisgarh) ए दौरान सीएम बघेल ह संसदीय कार्य विभाग के तरफ ले प्रकाशित संसदीय मार्गदर्शिका अऊ छत्तीसगढ़ के एडवोकेट जनरल कार्यालय के तरफ ले प्रकाशित कैलेण्डर के घलो विमोचन करिन।
ए अवसर म संसदीय कार्य मंत्री रविन्द्र चौबे, गृह मंत्री ताम्रध्वज साहू, वन मंत्री मोहम्मद अकबर, नगरीय प्रशासन अऊ विकास मंत्री डॉ. शिव कुमार डहरिया, खाद्य अऊ नागरिक आपूर्ति अमरजीत भगत, राजस्व मंत्री जयसिंह अग्रवाल, महिला अऊ बाल विकास मंत्री अनिला भेंड़िया, एडवोकेट जनरल सतीश चन्द्र वर्मा, मुख्य सचिव अमिताभ जैन, अपर मुख्य सचिव गृह सुब्रत साहू ह उपस्थित रिहिन।
