Corona: देश म पिछिले 24 घंटा म होय हे 23067 नवा मरीज के पुष्टि, पढो पूरा खबर

नईदिल्ली…. (Corona) देश म पिछिले 24 घंटा म कोरोना के 23 हजार ले जादा नवा मरीज के पहचान होय हे। उहचे 24661 संक्रमित ल बने होय के बाद अस्पताल ले छुट्टी दे दे गे हे। जबकि इलाज के दौरान 336 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 23067 नवा मरीज मिले हे। एला मिला के कोरोना संक्रमण के मामला ह 1 करोड़ 1 लाख 46 हजार ले जादा हो गे हे। जेमा ले 2 लाख 81 हजार एक्टिव मामला हे।

उहचे 97 लाख 17 हजार लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 47 हजार 92 लोगन मन के मौत हो गे हे।