Corona: छत्तीसगढ़ म पिछिले 24 घंटा म बाढ़ गे कोरोना के 1337 नवा मरीज, पढो पूरा खबर

संझा बिहनिया रायपुर…. (Corona) छत्तीसगढ़ म पिछिले 24 घंटा म कोरोना के 1337 नवा मरीज सामने आय हे। उहचे 1429 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 7 लोगन मन के जान चले गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 206, राजनांदगांव ले 130, बिलासपुर ले 125, दुर्ग ले 100, रायगढ़ ले 88, बालोद ले 82, महासमुंद ले 73, सूरजपुर ले 64, जांजगीर-चांपा ले 54, सरगुजा ले 53, धमतरी अऊ बलौदाबाजार ले 49-49, कोरबा ले 43, कोरिया ले 38, बलरामपुर ले 36, जशपुर ले 27, कोंडागांव अऊ जशपुर ले 25-25 मरीज शामिल हे।

बता देन कि प्रदेश म कोरोना (Corona) संक्रमण के मामला ह 2 लाख 71 हजार 194 पहुंच गे हे। जेमा ले 15 हजार 635 एक्टिव मामला हे। उहचे 2 लाख 52 हजार 332 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3227 लोगन मन के मौत हो गे हे।