Corona: देश म पिछिले 24 घंटा म कोरोना के 24337 नवा मामला के पहचान, पढ़ो पूरा खबर

नईदिल्ली…. देश म पिछले 24 घंटा म कोरोना (Corona) के 24 हजार ले जादा नवा मरीज मिले हे। उहचे 25709 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 333 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 24337 नवा मरीज के पहचान होय हे। एला मिला के कोरोना संक्रमण के मामला ह बाढ़ के 1 करोड़ 55 हजार हो गे हे।

जेमा ले 3 लाख 3 हजार एक्टिव मामला हे। उहचे 96 लाख 6 हजार लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 45 हजार 810 लोगन मन के मौत हो गे हे।