Chhattisgarh: गोंदा फूल, फूले रहिबे मोर अंगना म” गीत होय हे रिलीज, सिंगर गोविन्द सोनवानी के संग रवी कुर्रे घलो करे हे अभिनय

संझा बिहनिया रायपुर…. (Chhattisgarh) बाबा गुरु घासीदास के जयंती आने वाला हे तेखर पाय के लगातार बाबा के अनुयायी मन ऊंखर वाणी ले निकले शब्द मन ल गीत म पिरो के जन जन तक बगरावत हे,

इही श्रृंखला म एक अऊ गीत रिलीज होय हे जेमा स्वर दे हे गोविन्द सोनवानी ह , अभिनय पक्ष म रवि कुर्रे के संग गोविन्द सोनवानी अऊ गोगांव के महिला पंथी कलाकार मन रहीन

बता दन की (Chhattisgarh) रवि कुर्रे ह एवीएम स्टूडियो के मैनेजर आय अऊ ओ ह ओखर संग अभिनय म घलो रुचि देखत हुए सामाजिक गीत मन म अभिनय करथे , एखर पहिली ओमन ह दर्जनों गीत मन म अभिनय करे हे जेमा देशभक्ति,पंथी, नवरात्रि के जस गीत,होली अऊ सब्बो त्योहार के गीत म ऊंखर अभिनय ल खूब पसंद करे जात हे,

गोंदा फूल , फुले रहिबे गीत के शूटिंग बाराडेरा धाम करे गे हे, एमा डांस कोरियोग्राफ करे हे राम यादव ह , ये गीत म तकनिकि पक्ष के काम करे हे दीपक बावनकर,रितेश चौहान, अज्जु अऊ सरोज कुर्रे ह,

रवि कुर्रे ह किहीस कि अभी गायक शशि रंगीला, सम्राट अशोक,छोटे लाल साहू , (Chhattisgarh) सरला गंधर्व, लक्ष्मी कंचन अऊ श्याम कुटेलिहा के नवा प्रोजेक्ट मन म अभिनय के तैयारी हे, जेन ह बहुत जल्द एवीएम गाना अऊ के.के कैसेट म रिलीज होही।