Chhattisgarh: आरती बारले के स्वर ले सजे “गुरु बाबा के महिमा” होय हे रिलीज, बोल हे तोर पूजा करों दिन राती

संझा बिहनिया रायपुर… (Chhattisgarh) गुरु बाबा घांसीदास के जन्मोत्सव ल ले के समाज म काफी उत्साह हवे, कलाकार मन घलो अपन अपन रचना ले बाबा के महिमा के गुणगान म लगे हे , अइसे मे छत्तीसगढ़ के जाने माने लोक गायिका आरती बारले के गीत घलो रिलीज होय हे।

(Chhattisgarh) आरती बारले के स्वर ले सजे ये गीत के बोल हे “तोर पूजा करों दिन राती” ये गीत ह एवीएम गाना के यू टिउब चेनल म देखे जा सकथे अऊ एखर नांव हे गुरु बाबा के महिमा, ये गीत के रचना घलो आरती ह करे हे,

लोक गायिका आरती बारले ह कई साल ले गीत गात आत हे अऊ ओमन ह किहीस कि जब तक ऊंखर कंठ ले आवाज निकलही, तब तक बाबा के जयकारा अऊ गीत गात रहूँ, एखर पहिली भी आरती बारले के स्वर ले सजे सैकड़ो गीत बने हे जेला आज भी सामाजिक कार्यक्रम मन म सुने अऊ देखे जाथे,

बता दन कि (Chhattisgarh) ये गीत म निर्देशन करे हे दीपक कुर्रे ह अऊ रूपसज्जा के काम अंजू उरांव ह देखे हे, तकनीकी पक्ष म रिहींन दीपक बावनकर , रितेश चौहान अऊ सरोज कुर्रे ह, अभी एवीएम चेनल के माध्यम ले लगातार बाबा के गीत रिलीज होवत हे अऊ जम्मो लोगन तक पहुँचत हे।