chhattisgarh : सुपरहिट निर्देशक सतीश जैन ह करिस जसबीर कोमल के फिलिम के टाइटल के तारीफ, पहुंचे रिहिस मुहूर्त म

संझा बिहनिया रायपुर… (chhattisgarh) “मोला उहीच लड़की चाही बात खतम” ये वो फिलिम के टाइटल हावे जेखर तारीफ जम्मो मनखे मन के सामने सुपरहिट निर्देशक सतीश जैन ह करीस हे , ओमन फिलिम के मुहूर्त कार्यक्रम म शामिल होय बर आय रिहिस, बता दन की ये मौका म सतीश जैन ह क्लेप चला के फिलिम के मुहूर्त करिन अउ फिलिम निर्माण बर निर्देशक जसबीर कोमल ल बधाई दिस,

होटल वेलकम श्री वीआईपी रोड म आयोजित ये फिलिम मुहूर्त कार्यक्रम म (chhattisgarh) छत्तीसगढ़ी सिनेमा के बड़े बड़े दिग्गज मन अपन उपस्थिति दिन, ये मौका म निर्माता निर्देशक आशोक तिवारी, पुष्पेंद्र सिंह, मोहन सुंदरानी , दिनेश साहू , अजय त्रिपाठी , दिलिप बैस के संग जम्मो मनखे मन केक काट के निर्देशक जसबीर कोमल के जन्मदिन घलो मनाइन,

बता दन की फिलिम मोला उहीच लड़की चाही बात खतम के कहानीकार धर्मेंद्र यदु हे , गीत अऊ संगीत देवत हे, (chhattisgarh) जसबीर कोमल ह,
ओमन ह बताइस कि एन.के. फिल्म प्रोडक्शन के बेनर तले ये फिलिम के निर्माण होवत हे , एखर निर्माता हे जितेंद्र साहू, फिलिम के कलाकार मन के चयन प्रक्रिया अभी चालू हे अऊ जल्द शूटिंग शुरू करे जाही,

मुहूर्त कार्यक्रम म शिवानी चौधरी, आयुषी श्रीवास्तव,यशोदा सेन , राम जी , नमित,दिलीप नाम्पल्लीवार, पी एन एल लक्की, टेशु डोंगरे,गीतांजलि साहू , नितेश लहरी, धर्मेंद्र सोनी समेत सैकड़ो के संख्या में कलाकार अऊ गणमान्य नागरिक मन उपस्थित रिहीन।