Raipur: विश्व महतारी भाखा दिवस के होइस आयोजन, छत्तीसगढ़िया मन भरीन हुंकार

संझा बिहनिया रायपुर… (Raipur) छत्तीसगढ़िया महतारी भाखा के संरक्षण अउ संवर्धन बर आज छत्तीसगढ़िया मन बड़े संख्या म एकत्रित होइन, छत्तीसगढ़ क्रांति सेना के बेनर तले ये आयोजन करे गिस,

(Raipur) ये मौका म क्रांति सेना के अध्यक्ष अमित बघेल ह किहीस कि अब समय आगे हे कि हमर भाखा ल उचित मान सम्मान देवाय बर लड़े के, अमित ह किहीस आज भी कोनो नेता के भरोसा नई करना है, हर नेता अपन पार्टी बर ही कार्य करथे, ओमन ह किहीस कि आज हमन ल अपन तीज त्योहार ल घर के भीतरी मनाय ल छोड़ के जुरिया के मनाना चाहिए,

अमित बघेल ह महिला क्रांति सेना के कार्य के प्रसंशा करिस अऊ बधाई दिस कि ओमन हमर भाखा बर जेन काम करत हे वो ह प्रसंशनीय हे। (Raipur) प्रेस क्लब म आयोजित ये कार्यक्रम म छत्तीसगढ़िया भाखा ल राजभाषा म शामिल करे अऊ पाठ्यक्रम म शामिल करे के मांग घलो उठाईस, ये दौरान सब्बो बर छत्तीसगढ़िया भोजन के व्यवस्था घलो करे गिस।