Corona: प्रदेश में पिछिले 24 घंटा म सामने आय हे 960 नवा मरीज, राजधानी म घलो 170 पाजिटिव
संझा बिहनिया रायपुर…. प्रदेश म बीते 24 घंटा म कोरोना (corona) के 960 नवा मामला सामने आय हे। उहचे 759 लोगन मन ल बने होय के बाद अस्पताल ले छुट्टी कर दे गे हे। जबकि इलाज के दौरान 11 संक्रमित मन के मौत हो गे हे।
प्रदेश म पिछिले 24 घंटा म कोरोना (corona) के जेन नवा मरीज मिल हे, ओमा रायपुर ले 170, दुर्ग ले 99, बिलासपुर ले 84, रायगढ़ ले 69, कोरबा ले 60, राजनांदगांव ले 58, जांजगीर-चांपा ले 56, बालोद ले 45, सरगुजा अऊ बस्तर ले 34, कोरिया ले 28, धमतरी ले 22, सूरजपुर ले 20, जशपुर ले 18, बेमेतरा ले 15 मरीज मिले हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 87 हजार 556 हो गे हे। जेमा ले 9045 एक्टिव मामला हे। उहचे 2 लाख 75 हजार 042 लोगन मन ल स्वस्थ होय के बाद अपस्ताल ले छुट्टी दे दे गे हे। ए वायरस ले प्रदेश म अब तक 3469 लोगन मन के मौत हो गे हे।
