Corona : छत्तीसगढ़ म पिछिले 24 घंटा म बाढ़ गे कोरोना के 1045 नवा मरीज, पढो पूरा खबर
संझा बिहनिया रायपुर…. (Corona) प्रदेश म बीते 24 घंटा म कोरोना के 1045 नवा मरीज सामने आए हे। उहचे 1570 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 11 लोगन मन के जान चले गे हे।
पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 173, दुर्ग ले 97, राजनांदगांव ले 91, रायगढ़ अऊ महासमुंद ले 80-80, बिलासपुर ले 71, कोरबा ले 52, धमतरी ले 47, जांजगीर-चांपा ले 46, बलौदाबाजार ले 43, सूरजपुर ले 41, बालोद ले 39, सरगुजा ले 37, बलरामपुर ले 20, गरियाबंद अऊ गौरेला-पेंड्रा-मरवाही ले 16-16, कांकेर, कोंडागांव अऊ बेमेतरा ले 15-15 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 74 हजार 324 हो गे हे। जेमा ले 14028 एक्टिव मामला हे। उहचे 2 लाख 57 हजार 21 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 3275 लोगन मन के मौत हो गे हे।
