Bhilai: गुरु घासीदास जयंती म सीएम भूपेश बघेल ह करे हे 4 बड़े घोसना, राजधानी म स्थापित होही गुरु घासीदास संग्रहालय अऊ शोधपीठ

संझा बिहनिया रायपुर…. (Bhilai) गुरु घासीदास जयंती के अवसर म आज सीएम भूपेश बघेल ह चार बड़े घोसना करे हे। सीएम बघेल ह भिलाई म गुरु घासीदास सेवा समिति के तरफ ले आयोजित कार्यक्रम म शामिल होय हे।

ए अवसर म (Bhilai) सीएम बघेल ह घोसना करिन नया रायपुर म गुरु घासीदास संग्रहालय अऊ शोधपीठ स्थापित करे जाही, जेमा बाबा घासीदास के जीवन ले जुड़े जानकारी ह प्रदेशवासी मन ल मिलही।

एखर बाद सीएम बघेल ह कहिन कि प्रतियोगी परीक्षा के तैयारी करत अनुसूचित जाति के छात्र अऊ छात्रा मन बर 200 सीटर हॉस्टल के निर्माण होही। (Bhilai) तीसर घोसना म कहिन कि पंथी नृत्य के कलाकार स्व. देवदास बंजारे के नांव म राज्य स्थापना दिवस म पंथी नृत्य पुरस्कार दे जाही।

आखिरी म सीएम बघेल ह बताइस कि जांच के सुविधा बढ़ाय बर जेन डाइग्नोस्टिक सेन्टर सुरू करे जाही, ओखर नाम मिनी माता के नाम म होही।