Corona: छत्तीसगढ़ म पिछिले 24 घंटा म सामने आय हे कोरोना के 1632 नवा मरीज, अब तक 12 लोगन मन के हो गे मौत

संझा बिहनिया रायपुर…. (corona) प्रदेश म पिछिले 24 घंटा म कोरोना के 1632 नवा मामला के पहचान होय हे। उहचे 1073 लोगन मन ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान 12 लोगन मन के जान चले गे हे।

बीते 24 घंटा म कोरोना (corona) के जेन नवा मरीज के पहचान होय हे, ओमा रायपुर ले 253, जांजगीर ले 225, राजनांदगांव ले 110, दुर्ग ले 103, बिलासपुर ले 99, महासमुंद ले 95, कोरबा ले 92, रायगढ़ ले 82, बालोद ले 75, बलौदाबाजार ले 71, धमतरी ले 63, सरगुजा ले 47, सूरजपुर अऊ कांकेर ले 45-45, गरियाबंद ले 29, बेमेतरा ले 28, कोरिया ले 27, कोंडागांव ले 25, दंतेवाड़ा अऊ बलरामपुर ले 23-23, जशपुर ले 21, बस्तर ले 14, कबीरधाम ले 10 मरीज शामिल हे।

बात देन कि प्रदेश म कोरोना (corona) संक्रमित मन के संख्या 2 लाख 55 हजार 761 पहुंच गे हे। जेमा ले 18 हजार 640 एक्टिव मामला हे। उहचे 2 लाख 34 हजार 37 लोगन मन ल बने होय के बाद अस्पताल से डिस्चार्ज कर दे गे हे। ए वायरस ले प्रदेश म अब तक 3038 लोगन मन के मौत हो गे हे।