chhattisgarh: जल्दी सुरू होवइया हे हॉरर फिलिम के शूटिंग, नितेश लहरी ल मिले हे निर्देशन के जिम्मेदारी
संझा बिहनिया रायपुर…. (chhattisgarh) छत्तीसगढ़ म जल्दी ही एकठन नवा हॉरर फिलिम पिशाच the love monster के निर्माण होवइया हे। ए बार दर्शक मन ल कुछु अलग देखे बर मिलही। जेखर एकठन अलग मजा दर्शक मन ह सिनेमाघर म उठा सकही।
(chhattisgarh) ए फिलिम के निर्देशन के जिम्मेदारी ल छालीवुड के निर्देशक नितेश लहरी ह संभालही। जेन ह एखर पहिले दू ठन फिलिम के निर्देशन कर चुके हे। उहचे लेखक घलो नितेश लहरी हे।
ए फिलिम के अभिनेता भूपेश चौहान के ये पहिली फिलिम होही, जेखर ले ओ मन ह फिलिम क्षेत्र म डेब्यू करत हे। (chhattisgarh) उहचे फिलिम पिशाच the love monster के प्रोड्यूसर विजय पटेल अऊ बजरंग अग्रवाल हे। चंद्रशेखर चौहान ह फिलिम ल प्रोडक्शन करही। ये फिलिम ह पीवीबी फिल्म्स के बेनर तले बनइया हे।
