Corona: प्रदेश म पिछिले 24 घंटा म सामने आय हे 370 नवा मरीज, रायपुर म घलो 108 पाजिटिव
संझा बिहनिया रायपुर…. छत्तीसगढ़ (Corona) म पिछिले 24 घंटा म कोरोना के 370 नवा मामला के पहचान होय हे। उहचे 455 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 4 संक्रमित मन के जान चले गे हे।
पिछिले 24 घंटा म कोरोना (Corona) के जेन नवा मरीज के पहचान होय हे, ओमा रायपुर ले 108, दुर्ग ले 46, बिलासपुर ले 32, रायगढ़ ले 27, धमतरी अऊ सूरजपुर ले 15-15, बेमेतरा ले 14, जांजगीर-चांपा, कोरिया, बालोद अऊ राजनांदगांव ले 12-12, बलरामपुर अऊ महासमुंद ले 10-10, गरियाबंद ले 9, कोरबा ले 8 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 04 हजार 689 हो गे हे। जेमा ले 4358 एक्टिव मामला हे। उहचे 2 लाख 96 लाख 642 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3689 लोगन मन के मौत हो गे हे।
