Corona: प्रदेश म बीते 24 घंटा म होय हे 560 नवा मामला के पहचान, अब तक 6 संक्रमित मन के हो गे मौत

संझा बिहनिया रायपुर…. (Corona) छत्तीसगढ़ म पिछिले 24 घंटा म कोरोना के 560 नवा मरीज के पहचान होय हे। उहचे 598 मरीज ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 संक्रमित के मौत हो गे हे।

प्रदेश म कोरोना (Corona) के जेन नवा मरीज मिले हे, ओमा रायपुर ले 94, बिलासपुर ले 75, दुर्ग ले 52, रायगढ़ ले 51, बलौदाबाजार ले 29, सूरजपुर ले 28, राजनांदगांव ले 27, सरगुजा ले 22, जांजगीर-चांपा ले 20, धमतरी, महासमुंद अऊ जशपुर ले 18-18, बालोद अऊ कोरिया ले 15-15, बेमेतरा ले 13, कोरबा अऊ कांकेर ले 11-11, बलरामपुर अऊ कोंडागांव ले 7-7, दंतेवाड़ा अऊ गरियाबंद ले 6-6, मुंगेली अऊ कबीरधाम ले 5-5 मरीज सामिल हे।

बता देन कि प्रदेश म कोरोना (Corona) संक्रमण के मामला ह बाढ़ के 2 लाख 95 हजार 509 हो गे हे। जेमा ले 5638 एक्टिव मामला हे। उहचे 2 लाख 86 हजार 277 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 3594 मरीज के जान चले गे हे।