Chhattisgarh: सीएम भूपेश बघेल ह 3 जनवरी के रही बिलासपुर दौरा म, अलग-अलग कार्यक्रम म होही शामिल
संझा बिहनिया रायपुर…. (Chhattisgarh) सीएम भूपेश बघेल ह 3 जनवरी के बिलासपुर के दौरा म रही। सीएम बघेल रविवार के हेलिकाफ्टर ले एसईसीएल हेलीपेड पहुंचही। एखर बाद दोपहर 1.30 बजे सेन्ट्रल लाइब्रेरी के लोकार्पण कार्यक्रम म शामिल होही।
इहां ले रवाना हो के दोपहर 1.35 बजे लाल बहादुर शास्त्री स्कूल मैदान पहुंचही। इहां अलग-अलग कार्य के लोकार्पण, शिलान्यास अऊ आमसभा कार्यक्रम म शामिल होही।
(Chhattisgarh) सीएम बघेल दोपहर 3.35 बजे तारबाहर अंग्रेजी माध्यम स्कूल के निरीक्षण करही। शाम 4 बजे राजेंद्रनगर चौक म स्व. श्याम लाल चतुर्वेदी के मूर्ति के अनावरण करही।
एखर बाद (Chhattisgarh) सीएम बघेल ह शाम 4.15 बजे न्यू सर्किट हाउस भवन के लोकार्पण करही। न्यू सर्किट हाउस म सीएम बघेल ह अलग-अलग संगठन प्रमुख, समाज प्रमुख, अधिकारी अऊ युवा प्रतिनिधिमंडल ले भेंट अऊ चर्चा करही।
