Corona: प्रदेश म पिछिले 24 घंटा म सामने आय हे 853 नवा मरीज, राजधानी म घलो 155 पाजिटिव

संझा बिहनिया रायपुर…. (Corona) प्रदेश म पिछिले 24 घंटा म कोरोना के 853 नवा मरीज के पहचान होय हे। उहचे 1104 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 10 लोगन मन के मौत हो गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 155, बिलासपुर ले 94, दुर्ग ले 84, राजनांदगांव ले 72, रायगढ़ ले 61, धमतरी ले 52, कोरबा ले 49, सरगुजा अऊ जांजगीर-चांपा ले 39-39, कोरिया ले 36, बालोद ले 32, महासमुंद ले 23 मरीज शामिल हे।

बता देन कि प्रदेश म कोरोना (Corona) संक्रमित मन के संख्या ह 2 लाख 73 हजार 279 हो गे हे। जेमा ले 14 हजार 759 एक्टिव मामला हे। उहचे 2 लाख 55 हजार 257 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 3263 लोगन मन के मौत हो गे हे।