Corona: देश म पिछिले 24 घंटा म होय हे 20036 नवा मरीज के पहचान, पढो पूरा खबर

नईदिल्ली…. (Corona) देश म पिछिले 24 घंटा म कोरोना के 20 हजार ले जादा नवा मामला सामने आय हे। उहचे इलाज के दौरान 256 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 20036 नवा मरीज मिले हे। एला मिला के देश म कोरोना संक्रमित मन के संख्या ह 1 करोड़ 02 लाख 86 हजार 710 हो गे हे। जेमा ले 2 लाख 54 हजार 254 एक्टिव मामला हे।

उहचे 98 लाख 83 हजार 461 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 48 हजार 994 लोगन मन के मौत हो गे हे।