Corona: प्रदेश में बीते 24 घंटा म होय हे कोरोना के 1188 नवा मरीज के पहचान, 20 लोगन मन के हो गे मौत

संझा बिहनिया रायपुर…. (corona) छत्तीसगढ़ म बीते 24 घंटा म कोरोना के 1188 नवा मरीज के पहचान होय हे। उहचे 1661 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 20 लोगन मन के मौत हो गे हे।

पिछिले 24 घंटा म कोरोना के जेन (corona) नवा मरीज मिले हे, ओमा राजधानी रायपुर ले 191, दुर्ग ले 112, बिलासपुर ले 86, कोरबा ले 76, रायगढ़ ले 75, बालोद अऊ महासमुंद ले 65-65, जांजगीर-चांपा अऊ सूरजपुर ले 63-63, राजनांदगांव ले 56, धमतरी ले 48, सरगुजा ले 35, बलौदाबाजार ले 31, कोंडागांव ले 27, कोरिया ले 26, गरियाबंद ले 25, कांकेर ले 23 मरीज शामिल हे।

बता देन कि प्रदेश म कोरोना (corona) संक्रमण के मामला ह बाढ़ के 2 लाख 76 हजार 337 हो गे हे, जेमा ले 12 हजार 962 एक्टिव मामला हे। उहचे 2 लाख 60 हजार 056 लोगन मन ल बने होय के बाद अस्पताल ले छुटटी दे दे गे हे। ए वायरस ले प्रदेश म अब तक 3319 लोगन मन के मौत हो गे हे।