Chhattisgarh: फेर उठिस 24 घण्टा प्रसारण के मांग, रायपुर दूरदर्शन के प्रसारण म समयावृद्धि बर अलाप संगठन मिलिस सांसद ले
संझा बिहनिया रायपुर… (Chhattisgarh) रायपुर दूरदर्शन के स्थापना होय कई वर्ष हो चुके हे , लेकिन अभी भी चार घण्टा ही प्रसारण होवत हे, इंहा 24 घण्टा प्रसारण के मांग ल ले के आलाप संगठन ह राज्यसभा सांसद फूलो देवी नेताम ले मुलाकात करिन।
बता दन कि (Chhattisgarh) अलाप संगठन ह लगातार कलाकार मन के हित बर कार्य करत हे अऊ प्रदेश के मुख्यमंत्री ले घलो मिल के संगठन के काम काज ले अवगत कराय हे , अलाप ह अभी लॉक डाउन म कलाकार मन के मदद बर आघु रिहिस,
ये दरी (Chhattisgarh)अलाप ह रायपुर दूरदर्शन म 24 घण्टा प्रसारण के मांग करिस अऊ सांसद ले किहींन कि अगर प्रसारण समय बाढ़ जही त इंहा के कलाकार मन ल काम मिलहि अऊ ऊंखर जीवनस्तर सुधरही,ये मौका म अलाप के अनुमोद राजवैद्य,प्रदीप ठाकुर, शैलेन्द्र धर दीवान के संग निर्देशक सतीश जैन घलो रिहींन।
